Whakaaturia ngā kāri tāhūrua, me ngā tongi e whakaahuahanga ana i te nama mai i te 0 ki te 31

Taumata Wero: Kua rite kia whakawhānuitia

Hua akoranga

Ka taea e ngā ākonga te:

  • Tautuhi i te wāhi tika mō te tauākī 'mēnā' ('if' rānei), ki te whakamahi i te kōwhiringa.
    Pūtaiao Rorohiko: Te Tuhiwaehere
  • Tautuhi ka pēhea, āhea hoki e mahia ai te koromeke ki te tukurua i tētahi rārangi o ngā tohutohu.
    Pūtaiao Rorohiko: Te Tuhiwaehere
  • Whakamārama i ngā āhuatanga hei whakaaro ina ka pātai koe i te tāuru mai i te kaiwhakamahi.
    Pūtaiao Rorohiko: Te Tuhiwaehere
  • Whakamārama ka pēhea ngā uara e tiakina e ngā taurangi, ka pēhea hoki e whakamahi ai i te papatono.
    Pūtaiao Rorohiko: Te Tuhiwaehere

Herenga:

Waihangatia tētahi papatono e pātai ana ki te kaiwhakamahi ki te whakauru i tētahi nama mai i te 0 ki te 31, ka whakaatu i ngā kāri tāhūrua (kia 5 ngā kāri mā, pango rānei) ka whakaputa i te whakaahuahanga tāhūrua mō taua nama.

He Tauira Whakamātau:

Kia pērā ngā tāputa o tō papatono ki ngā tāputa i te tēpu kei raro nei, mō ngā tāuru o te tēpu;

Tāuru Tāputa
31 Ka whakaaturia ngā kāri e rima, he mā katoa.

11 E toru ngā kāri mā ka whakaaturia, e waru ngā tongi o tētahi, e rua ngā tongi o tētahi, kotahi te tongi o te whakamutunga.

Ngā Reo

Scratch

Me pēhea te āhua

Pāwhiria te haki kākariki kia kite ai i ngā tāputa o tō papatono.

Tīwhiri

Kua tuku mātou i ngā otinga tuhiwaehere e whā mō tēnei papatono, i roto i ngā tauira papatono e rua.

Ngā otinga tuatahi ki te tuatoru, kua waihangatia mā te whakarākei i tēnei papatono. Whakarākeitia tēnei papatono, ā, hurihia te ingoa ki: Wero Tāhūrua 9 (putanga 1).

Mō tēnei o ngā papatono, me huri ngā kāri katoa ki te pango ina pāwhiria te haki kākāriki, kātahi ka neke haere te papatono i ia o ngā moka, ā, ka whakapāho atu ki ngā kāri kia panonihia ngā kākahu.

Ka takea mai te otinga tuawha i te whakarākei i tēnei papatono. Whakarākeitia tēnei papatono, ā, hurihia te ingoa ki: Wero Tāhūrua 9 (putanga 2).

Kei tēnei otinga, ka whakaaturia e 5 ngā kāri (kia kitea ngā tongi o ia kāri) ki runga i te mata, ā, ka pātaihia te kaiwhakamahi ki te whakauru i te nama mai i te 0 ki te 31. Kātahi ka tāruatia tētahi parehe kāri pango ki runga i ngā kāri me huna (kia kore e kitea ngā tongi).

Kia pēnei te āhua o te otinga tuawhā:

Whakaatu otinga